اليوم العشررررين the bridee!
هلاووو كيف الحال؟
طبعا بعد عناء طويل ووقت اطول وصلنه تقريباً لنهاية التحدي، ماعرف شلون سويت هذا الشي والتزمت بلرسم كليوم هذا جان معجزه الي ومجنت اتصور عندي القدره انو اوصل ل٢٠ واني معابره يوم مراسمة بي اسبشلي عندي فاينلز و٩٧ ملزمة تنتظرني اقراهم بس تباً للمستحيل .اذا ارسب كلة من وراكم هههههة
قبل فترة اختي طلبت مني ارسملها لوحة لان مديرها بلشغل عرف اني ارسم وطلب لوحة يعلگها بصاله اعراس، طبعاً كتلها اني ماعرف ارسم كلش واو فگالتلي دبري روحج. اني بهالاثناء حسيت انو واي نوت واذا معجبه وحته لو معلگها اتس اوكي اكون سويت شي. فگعدت ادور على بينترست صور عروسات و شفت رسمه لفنانه عراقيه كلش احبها ترهم ف كلت هاهيه بس حرسم دجتل لان اني اضبط بي من العادي.
تقريباً لحد الان كضيت ١٥ ساعه دارسم بيها وج از اكثر رسمة طولت بيها و ارسم وميخلص . بس اگين كلت تباً للمستحيل . البنيه بلرسمة اذا شايفيه من فلم لابرنث.
طبعاً اذا رحتو جيكتو الفرق بين رسمه اليوم العاشر وهايه حتلگون فرق شاسع وهذا شي اني كلش فخوره بي ، تفاجئت انو اني عندي قدرة جبيره على التعلم بس اني ظالمة نفسي دايماً وصحيح الرسمة مو بيرفكت بس فخوره بنفسي جدن بلنوون
بعد اكمال الرسمة راح ارجع ادرب على الورق ورسم وجوه اكثر واكثر، ومتأكدة حگدر اكمل ال٩ ايام بخير وسلامة مبقة شي واريد اثبت لنفسي انو الطب ماله علاقة بعدم تطوير اي موهبه بلحياة ، اذا انته تحبها ومتمسك بيها حتگدر توافق بين الثنين
اني كلش ممتنه من وجود برامج مثل البروكرييت والبينترست واليوتيوب الي تخليك تصير كرييتڤ وتطلع الطاقات الي بداخلك باقل جهد وممتنه لمدير اختي انو طلب مني هيجي رسمة الي لولا مجان كعدت ١٥ ساعه ارسم شي واحد بس اذا معلكها اروح اشنقة هههههه. واخر شي ممتنه للقدره الالهيه الي تخلينه نوافق بين الامور وتخلينه نتطور ونتعلم ونكون نفسنه ونسويلنه موهبه ونشتغل وكلشي بنفس الوكت. ومن الامور الي اكيد حسويها هوه حطبق تحديات مثل ال٢٩ يوم على كل موهبه اتمنى اكتسبها فديوم
تعليقات
إرسال تعليق