حتبقة بگلبي كركور🧡اليوم العاشر
هلاوووو شلونكممم راح احجيلكم عن شنو جنت اسوي هالفترة الفاتت الي هيه ١٠ ايام من تحدي ال ٢٩ يوم
جنت دا اعود روحي اسوي براكتس بلرسم كل يوم. التكرار والاستمرار بالرسم و كلشي هوه الي ممكن يوصل لنتيجة اسرع وبطريقة مريحة. فاني قررت انو اكعد اتدرب كل يوم سواء دجتل او ورقه وقلم. وهوه هذا جان هدفي من بدايه التحدي، انو جزء طبيعي من يومي بحيث ماستغه عنه
بديت التحدي برسمة لفان كوخ وجان من زمان ببالي اشتغلها بس جنت اغلس. شفتني ضعيفة برسم الوجه وتناسق الملامح كالخشم والعيون بحيث توالم مقاييس الوجه فبديت وراها ارسم زوايا معينه من الوجه بصورة بسيطة واكرر هواية وتحديت نفسي بلقلم والرقة لان رسمي مو حلو بيهمخلال هاي الفتره باوعت فيديوهات يوتيوب ، حاولت اخذ الزبده من كل فيديو واركبهم سويه بحيث يوالمني ويسهل عليه التنفيذ. و هاي وحدة منهم. .حددت معدل ساعتين واني كلش داستمتع واحس موالم جدولي وبنفس الوقت احس التقدم الدا اسوي موالم ويه البراكتس . تعلمت انو لازم اصبر ويكون عندي عزيمة علمود اكمل لان دايماً امر بأيام انو ها ماعندي وقت او حزينه لفقدان شي عزيزه علية ومارسم بس هسه عرفت انو جنت دايماً اكدر اكمل بس داكون عدوه نفسي لا غير. حكون راسمه لمده 60 ساعه تقريبا بنهايه التحدي و وره ال٢٩ يوم حواصل علمود الاحظ الفرق الاريده
احتمال اغير الخطة مثلاً ازيد عدد الساعات ( لان حالياً عندي التزامات ك ايلب و فاينل وعائلتي فجنت واقعيه ويه روحي وحطيت الساعتين لان اعرف اذا اكثر مراح اگدر بس بلعطله الصيفية اكيد راح ازيدها) ، وهمينه هاي الفتره دا ارسم وجوه من اصير احسن احول واهتم بلملامح اكثر وره فتره اركز ع الشعر اكثر اوهيجي. يعني الخطة بتغيير دائم حسب الحاجة بس الرسم شرط يكون يوميا
احب اكول راح اگدر يا اني ( داتعلم السيلف لاڤ وانو اكون كونفدنت وابرشييتف فحالياً الي كبالكم واسئة من نفسيها ؛)
اخر شي ردت اشوفكم الرسمه الاولى بلتحدي. ممتنه لروحي انو داكدر استمر، كلش ممتنه انو اكو اشخاص مثلكم يهتمون
بتطوير مهارات الشباب ويطلعون الي بداخلهم واخر شي ممتنه لفان كوخ على رسمة الحلو البديع المتروس انسبايريشنات
تعليقات
إرسال تعليق