Meerdraws

  هلاووو كيف الحال؟ طبعا بعد عناء طويل ووقت اطول وصلنه تقريباً لنهاية التحدي، ماعرف شلون سويت هذا الشي والتزمت بلرسم كليوم هذا جان معجزه  الي ومجنت اتصور عندي القدره انو اوصل ل٢٠ واني معابره يوم مراسمة بي اسبشلي عندي فاينلز و٩٧ ملزمة تنتظرني اقراهم بس تباً للمستحيل .اذا ارسب كلة من وراكم هههههة قبل فترة اختي طلبت مني ارسملها لوحة لان مديرها بلشغل عرف اني ارسم وطلب لوحة يعلگها بصاله اعراس، طبعاً كتلها اني ماعرف ارسم كلش واو فگالتلي دبري روحج. اني بهالاثناء حسيت انو واي نوت واذا معجبه وحته لو معلگها اتس اوكي اكون سويت شي. فگعدت ادور على بينترست صور عروسات و شفت رسمه لفنانه عراقيه كلش احبها ترهم ف كلت هاهيه بس حرسم دجتل لان اني اضبط بي من العادي. تقريباً لحد الان كضيت ١٥ ساعه دارسم بيها وج از اكثر رسمة طولت بيها و ارسم وميخلص . بس اگين كلت تباً للمستحيل . البنيه بلرسمة اذا شايفيه من فلم لابرنث. طبعاً اذا رحتو جيكتو الفرق بين رسمه اليوم العاشر وهايه حتلگون فرق شاسع وهذا شي اني كلش فخوره بي ، تفاجئت انو اني عندي قدرة جبيره على التعلم بس اني ظالمة نفسي دايماً وصحيح الرسمة مو بيرفكت ...

  ه لاوووو شلونكممم راح احجيلكم عن شنو جنت اسوي هالفترة الفاتت الي هيه ١٠ ايام من تحدي ال ٢٩ يوم جنت دا اعود روحي اسوي براكتس بلرسم كل يوم . التكرار والاستمرار بالرسم و كلشي هوه الي ممكن يوصل لنتيجة اسرع وبطريقة مريحة. فاني قررت انو اكعد اتدرب كل يوم سواء دجتل او ورقه وقلم . وهوه هذا جان هدفي من بدايه التحدي، انو جزء طبيعي من يومي بحيث ماستغه عنه   بديت التحدي برسمة لفان كوخ وجان من زمان ببالي اشتغلها بس جنت اغلس. شفتني ضعيفة برسم الوجه وتناسق الملامح كالخشم والعيون بحيث توالم مقاييس الوجه فبديت وراها ارسم زوايا معينه من الوجه بصورة بسيطة واكرر هواية وتحديت نفسي بلقلم والرقة لان رسمي مو حلو بيهم خلال هاي الفتره باوعت فيديوهات يوتيوب ، حاولت اخذ الزبده من كل فيديو واركبهم سويه بحيث يوالمني ويسهل عليه التنفيذ. و هاي وحدة منهم. .حددت معدل ساعتين واني كلش داستمتع واحس موالم جدولي وبنفس الوقت احس التقدم الدا اسوي موالم ويه البراكتس . تعلمت انو لازم اصبر ويكون عندي عزيمة علمود اكمل لان دايماً امر بأيام انو ها ماعندي...